Ma kakova magla, ma kakova rosa, niš njimi ne smeta, kad narod naprne da gre na izlet, unda gre. Tako i jutroske, edva da se magla digla, ja kroz grad na kafu, kad ono vrpa naroda oko crikve. Mili Bože ča se dogaja? Red medanji. Faljen Isus i Marija, ki ste vi, odakljen ste, kudaj grete, sve po redu kako novinari moradu pitat, el. A uni meni da su iz Zagreba, da su došli na izlet na edan dan, da i pelje pateka Slepčević, da su jutroske zoron ranon krenuli i bub u Otočac. Pa ča u Otočac, Bog z vami, pitan ja? Čudin se ja, a čudidu se i uni da ča se ja čudin i ča takovo ča pitan. Da su svrnuli vidit ča kod nas ode ima, a kadijdu stat nego pred crikvon, usred grad, uno kaj ča i je. Tote crikva, tote Gačanski park, sve tote. I man je tote i naš otočki plovan Šporčić, pa o crikvi, pa o vomu i nomu, pa koliko ste godin ode, pa dost godin, pa zlatna maša, pa knjiga. I beseda po beseda, more li se knjiga vidit, more, more li se kupit, more. Drlja časna knjige, uspuvala se, knjige teške kaj nado, plovan potpišuje i novce broji, ki nema un i daruje, gosti man listadu i slikice gljedadu. Ajme pripovitke, ajme svega.

I unda ja nji pitan da kudaj dalje smiradu, a uni dajdu obać malenice i tako to još kod nas u Gackoj i da sumiradu završit u Nikoli Tesli.

Slučajni turisti, nego ča.

(ib)